Поглаварот на Католичката црква, папата Франциско, даде големо интервју за американскиот језуитски магазин America – Jesuit Review.
Во него тој коментираше повеќе актуелни теми, меѓу кои и војната во Украина.
Дописникот на весникот од Ватикан, Џерард О’Конел, кој го водеше интервјуто со папата, рече дека многумина во САД се збунети од неподготвеноста на папата директно да ја критикува Русија за нејзината агресија во Украина.
„Најсуровите не се Русите, туку Чеченците…“
„Кога зборувам за Украина, зборувам за народ кој е маченик. Ако имате маченички народ, имате некој што го мачи. Кога зборувам за Украина, зборувам за суровост бидејќи имам многу информации за суровоста на војниците кои доаѓаат во Украина. Генерално најсурови луѓе се можеби оние кои доаѓаат од Русија но не припаѓаат на руската традиција како Чеченци, Бурјати и слично. Се разбира, тој што напаѓа е руската држава. Ова е многу јасно. Понекогаш се трудам да не прецизирам за да не навредам, но генерално да осудувам, иако тој многу добро знае кого осудувам. Не е потребно да наведам име и презиме“ рече папата Франциско.
„На вториот ден од војната отидов во руската амбасада (во Светата столица), што беше необичен гест бидејќи папата никогаш не оди во амбасадата. И таму му реков на амбасадорот да му каже на Путин дека сум подготвен да дојдам на посета под услов да ми дозволи малку простор за преговори. Лавров, министерот за надворешни работи на високо ниво, одговори со многу убаво писмо од кое разбрав дека засега не е потребно. Со претседателот Зеленски разговарав три пати по телефон. И генерално, добивам списоци на затвореници, цивилни и воени, и ги испраќам до руската влада, а одговорот отсекогаш бил многу позитивен. И јас размислував да дојдам на гости, но решив – ако патувам, ќе одам во Москва и Киев, во двата града, не само во еден. И никогаш не оставив впечаток дека ја кријам агресијата. Овде во оваа сала три или четири пати ја примив делегацијата на украинската влада и работиме заедно“, продолжи Папата.
„Зошто не го именувам Путин? Не е потребно…“
Тој самиот го постави прашањето зошто не го именува Путин како виновник и одговори.
„Зошто не го именувам Путин? Затоа што не е потребно, тоа е веќе познато. Меѓутоа, понекогаш луѓето се закачуваат на некои детали. Сите ја знаат мојата позиција, со или без Путин, а јас дури и не го именувам“, кажа Папата.
Тој исто така додаде дека неколку кардинали биле во Украина, дека нивното присуство таму е доста силно и дека тој лично е во контакт со луѓе на одговорни позиции.
„Социополитички и Исус и јас сме комунисти“
Инаку, папата во интервјуто кажа и дека социополитички тој и Исус се комунисти.
„Ако ги гледаме неговите учења само во социополитички контекст, тогаш одговорот е да. Да, јас сум комунист, а исто така и Исус Христос“, рече тој и додаде дека има уште една порака од Христос која содржи инструкции да се биде христијанин. Низ смеа рече и дека комунистите украле некои вредности од христијаните, а некои од нив направиле вистинска катастрофа.
