Поплавени се многу улици во центарот на Сплит. Како што се гледа на снимката, буквално цели улици се целосно под вода. Пороен дожд проследен со грмежи и повремен град, кој од рано утрото го зафати Сплит, направи вистинска штета и хаос по улиците. Големо количество вода ги поплави речиси сите поголеми крстосници во градот, а во самиот центар на градот вода влезе и во внатрешноста на рестораните. Противпожарната и екипите на итната медицинска помош се на терен, а засега нема податоци за починати и повредени.
