Букурешт – Романските пратеници денеска со големо мнозинство гласови ја поддржаа коалициската влада на премиерот Никола Чука, со што беше ставен крај на двомесечниот политички ќор-сокак.
„Конечно, можеме да понудиме предвидливост и да гарантираме стабилност и развој. Денес е првиот ден од новиот пристап кон владеењето со Романија со цел да се подобри економската, социјалната и здравствената состојба на нејзините граѓани“, рече Чука во парламентот, објави Ројтерс.
Чука (54), пензиониран генерал, ќе ја води владата до 25 мај 2023 година, во согласност со ротирачкиот коалициски договор со поранешниот непријател на партијата, Социјалдемократската партија (ПСД).