Премиерот Андреј Пленковиќ го коментирал денес огласот кој унгарската влада го објавила во хрватски медиуми, во кој бара прием на Србија во ЕУ, велејќи дека во тоа негледа ништо спорно и дека Виктор Орбан може да ја фаворизира Србија или било која земја.
– Факт е дека Орбан објавува огласи во дневни весници, со тоа сака да ја претстави својата позиција. Тој може да ја фаворизира Србија или било која земја. Што е спорно Орбан да плати оглас во хрватските медиуми? Нема сигурно некого да го спречиме тоа да го прави? Тоа не е прв пат, имало примери каде што тоа го правеле други европски политичари – рекол Пленковиќ на новинарите после владина седница.
Пленковиќ рекол дека за тоа треба да ги прашаат новините кои добиле пари за тоа, а не него.
– Јас во тоа негледам ништо необично или комлицирано. Орбан тоа го правеше во повеќе ситуации. Тој на ЕУ гледа со други очи – навел Пленковиќ.
Забележал дека во ЕУ се создава со консензус. “Хрватска е земја која сака да влезе во две подлабоки интеграции, за нас тоа е добро и корисно – тоа се Шенген и еврозона. Идеата е процесот да биде готов идната година“, рекол премиерот.