Трето основно јавно обвинителство во Белград поднело до судот обвинителен предлог против пејачката Јелена Карлеуша поради напад и навреди на фотограф на “Курир“, пред две години, додека бил на работна задача.
На Карлеуша на товар и се става кривично дело злоствувањр и мачење за кое и следи казна затвор до една година. Пејачката фотографот го нападнала на Нови бежаниски гробишта, во јули 2019. година додека ја вршел својата работа на јавно место – јавила Србија Денес.
Како што тогаш е јавено, Јелена физички го нападнала, го плукала и го навредувала.
По овој повод се јавила пејачката на социјалната мрежа Фејсбук.
– Непознато е како фотографот и неговиот возач воопшто преживеале такво “мачење и злоствување“!? Имено, тие не само што ја “работеле својата работа“ на гробишта и ја сликале оваа “опасна жена“ додека го чисти гробот на својата мајка… Двајца згодни и незаштитени мажи никогаш не треба да шетаат сами по гробишта и да сликаат, бидејќи се може да им се случи! На приимер, мачење и злоствување, а не е исклучено и силување – напишала Карлеуша покрај видеото од денешните вести во кои се зборува на оваа тема.