За време на протест младите на првата ноќ на полицискиот час, демонстрантите запалија објект за тестирање коронавирус во холандското рибарско село Урк и фрлале петарди.
Полицијата денес објави дека повеќе од 3.600 лица биле казнети првиот ден за кршење на полицискиот час, кој трае од 21:00 до 4:30 часот наутро, а 25 лица се уапсени за насилство за време на забраната за движење, објави АП.
Видеото покажува како млади луѓе влегуваат во лабораторија за тестирање коронавирус во селото Урк, 80 километри северо-источно од Амстердам, пред да ја запалат вечерта.
Полицијата и општината издадоа соопштение во кое изразуваат гнев поради немирите, односно „фрлање петарди, камења до уништување полициски автомобили и фрлање факели кон лабораторијата“.
- Ова е апсолутно неприфатливо, ова е шлаканица за локалните здравствени власти кои прават се што можат во лабораторијата во Урк, рекоа локалните власти, додавајќи дека полицискиот час ќе трае до крајот на неделава.