Директорот на Светската здравствена организација (СЗО), Тедрос Гебрехесус, предупреди денеска дека пандемијата на коронавирусите не е последна пандемија и дека земјите треба да инвестираат во јавното здравство за да бидат подготвени за идните здравствени кризи
- Историјата нè учи дека ова нема да биде последна пандемија, а епидемиите се животни факти – рече Тедрос во видео порака по повод првиот Меѓународен ден на подготвеност за епидемии.
Тој оцени дека поголемите инвестиции во јавното здравство, со поддршка на владите и општеството, можат да „осигурат дека нашите деца и нивните деца ќе наследат побезбеден, поотпорен и одржлив свет“.