Министерството за внатрешни работи денеска информира дека четири лица, од кои три потешко, се повредени во сообраќајната несреќа која вчера во 13.50 часот се случи на магистралниот пат Струмица-с.Дабиле, пред место викано „Сачевска крстосница“.
Во несреќата учествувале два автомобили со струмички таблички, „Опел астра“ управувана од К.М.(73) од Струмица и „Пежо“ управувано од Т.И.(44) од с.Сушица.
-Во незгодата, со тешки телесни повреди се здобиле Т.И. и сопатниците од истото возило, Б.И. и С.И., а со телесни повреди се здобил К.М., констатирани во Медицинскиот центар во Струмица, информира МВР.
Извршен бил увид на местото на незгодата од Јавен обвинител и увидна екипа од СВР Струмица.