Колони долги 700 километри се забележани на излез од Париз.
Франција оди во карантин, а десетици илјади жители на француската престолнина вчеравечер создадоа масовeн метеж во сообраќајот.
На луѓето им е наредено да останат дома и да излегуваат само ако имаат потреба да заминат на лекар, во продавница или на работа.
Секој граѓанин кој ќе излезе од дома ќе мора да има документ со кој го оправдува својот излез, а проверките ќе ги врши полицијата.
Училиштата ќе останат отворени, но универзитетите ќе се затворат. Кафулињата и рестораните, ќе бидат затворени, како и продавниците, освен сервисите за поправка на автомобили, супермаркетите, пералните, оптичарските и фармацевтските работилници.
Франција денеска има нови 47.637 заразени со коронавирусот. Вчера имаа 36.437 нови случаи, а во неделата рекордни 52.010. Во Франција од коронавирусот починаа повеќе од 36.000 луѓе.
Освен Франција, во карантин оди и Германија.
Инаку, деновиве во Франција имаше терористички напади, поради што на улиците ќе има неколку илјади војници повеќе.
