Неверојатна и несекојдневна случка доаѓа од Лондон која ја шокираше јавноста. Едно лице се обиде да го отстрани крстот од Баптистичката црква „Чедвел Харт“ во областа Ромфорд, која административно и припаѓа на Лондон.
Полицијата брзо пристигнала на местото и го уапсила човекот, а тој се уште е во притвор.
– Свесни сме за видеото кое кружи на социјалните мрежи, човекот кој ја изврши штетата е уапсен и се води истрага за случајот – наведува полицијата на Твитер.
Видеото го објави и на Твитер политичарот Најџел Фараж.
– Ние сме христијанска земја и нашата култура е нападната. Нашите бискупи се жалат на Брегзит, а не кажуваат ништо за сквернавењето на лондонската црква – изјави тој.