Министерката за труд и социјала во Чешка, за време на интервју мислеше дека веќе камерите и микрофоните се исклучени, па си зеде слобода да го критикува чешкиот премиер, но и да го навреди па го нарече идиот.
Јана Малачова, член на чешката влада, остро ја критикуваше работата на премиерот Андреј Бабиќ, пренесува порталот Текдипс.
– Сето ова е хаос кој Бабиш го направи. И сега сите мора да лижеме. Тој е идиот, извинете – рече Малачова на крајот од интервјуто, мислејќи дека се исклучени камерите и микрофоните.
Новиот коментар веќе создаде хаос на социјалните мрежи, особено кај членовите на чешката опозиција.
На пример, Мирослав Калоусек напиша на Твитер: „Се прашувам како да ги повикам министрите кои се подготвени да останат во владата на личност за која имаат такво мислење“.
Maláčová: "To je bordel, co ten Babiš udělal a teďkon to všichni musíme slíznout. To je debil. Pardon, s prominutím…" #168hodin No comment, #CSSD. pic.twitter.com/zd52wzyUMF
— Karel Peka #StayHome (@karelpeka) October 18, 2020
Ова не е првпат да светнат искри меѓу министерката Малачова и премиерот Бабиш.
Во мај, во изјава за весникот Право, Бабиш ја критикуваше министерката: „Бев многу разочаран од г-ѓа Малачова, која дејствуваше незаконски за време на оваа криза“.
