НАСА во Меѓународната вселенска станица ќе испрати тоалет вреден 23 милиони долари, специјално дизајниран за астронаутите.
„Вселенскиот тоалет“ на НАСА направен од титаниум, тежок е скоро 50 килограми и е висок 70 центиметри, односно е двојно помал од рускиот што моментално се наоѓа на МСС.
Тоалетот е дизајниран така што може да се инсталира во леталото „Орион“, со кое астронаутите треба да пристигнат на Месечината во блиска иднина, а потоа, можеби, и на Марс.
Додека претходните верзии на тоалетите беа повеќе машки ориентирани, новиот модел на НАСА беше надграден, па седиштето беше навалено и подигнато за да им одговара и на женските астронаути.
Според британски „Индипендент“, астронаутите на МСС во моментов користат вакуумски систем.