Црногорскиот претседател Мило Ѓукановиќ ќе го предложи мандатарот за состав на владата до 23 октомври, изјавија од канцеларијата на претседателот за МИНА.
– Согласно надлежностите утврдени со Уставот, претседателот на Црна Гора ќе ги изврши предвидените процедури и ќе предложи мандат за состав на влада во рок од 30 дена од денот на конституирање на парламентот, соопшти кабинетот, пренесува „Вијести“.
Пратениците на новото парламентарно мнозинство, 41 од нив, со свој потпис го поддржаа носителот на листата „За иднината на Црна Гора“, Здравко Кривокапиќ, за мандатар на новата влада.
Мандатарот ја објавува својата програма во Собранието и го предлага составот на владата.
Собранието одлучува за програмата на мандатарот и за предлогот за состав на владата истовремено.