Владата на Гренланд изјави дека нема да ја прифати американската контрола врз територијата, откако американскиот претседател Доналд Трамп изјави дека ќе го преземе островот „на еден или друг начин“.
Трамп постојано нагласува дека Гренланд, автономна данска територија, е од стратешко значење за националната безбедност. „Соединетите Американски Држави уште еднаш ја повторија својата желба да го преземат Гренланд. Ова е нешто што владејачката коалиција во Гренланд не може да го прифати под никакви околности“, објави владата на Гренланд во понеделник по локално време.
Во неделата, Трамп предупреди дека ако САД не го преземат Гренланд, „Русија или Кина ќе го сторат тоа, а јас нема да го дозволам тоа“. Минатата недела, Франција, Германија, Италија, Полска, Шпанија и Велика Британија издадоа заедничка изјава со Данска за поддршка на Копенхаген и Гренланд против заканите на Трамп.
