Десет илјади тони ѓубре од париските улици не се однесени на депониите поради штрајкот на работниците за чистење против пензиската реформа, кој трае веќе 12 дена, соопштија во петокот градските власти.
Од опкружувањето на социјалистичката градоначалничка Ана Идалго се знае дека „ниту еден камион за ѓубре не излегол“ по улиците на градските квартови каде општинските работници се одговорни за собирање отпад.
Министерот за внатрешни работи Жералд Дарманин тврди дека работната обврска декларирана за нив „функционира и овозможува собирање на отпадот“.
Редовно се отстранува сметот од деловите на градот за кои се одговорни приватни фирми, беше кажано претходно.
