Тој рече дека најновиот објект „го нарушил канадскиот воздушен простор“ и бил соборен над Јукон во северозападна Канада.
Трудо потврди дека ја дал наредбата за уривање и дека разговарал со американскиот претседател Џо Бајден.
Тие зборувале за важноста да се утврдат повеќе детали за намената и потеклото на објектот, кој е опишан како „мал“ и „цилиндричен“, а летал над централен Јукон на околу 12 000 метри
Тоа е трет објект што е соборен над Северна Америка во последната недела. Американската војска минатиот викенд уништи и кинески балон, а во петокот неодреден објект со големина на мал автомобил беше соборен кај Алјаска.
