Срдечно и со насмевки од двете страни, таа го прими францускиот претседател во седиштето на НАСА, каде ја пофали соработката „заснована на демократски принципи и заеднички вредности“.
Францускиот претседател на англиски рече дека овие заеднички демократски вредности треба да се применат и во вселената, што тој ја нарече „ново место на меѓународен конфликт“.
Така, Емануел Макрон ги повика Франција и САД да соработуваат со цел да се воспостават нови правила во освојувањето и истражувањето на вселената. Тој беше придружуван од астронаутите Софи Аденот и Томас Песке – вториот е кандидат за лет до Месечината како дел од амбициозната американска програма Артемис.
Францускиот претседател, првиот на кого администрацијата на Бајден му оддаде почит со тоа што го прими во државна посета, треба да остане во земјата три дена.
По посетата на НАСА, тој ќе се сретне со претставници на САД за животна средина и одделно со претставници на администрацијата на тема цивилни нуклеарни активности. Конечно, Џо и Џил Бајден ќе приредат интимна вечера за Емануел и Брижит Макрон, што е далеку од протоколот со кој утре Белата куќа ќе го пречека францускиот претседател.
Двајцата претседатели треба да покажат унифицирана гледна точка за Украина, на која, како што најавуваат, ќе продолжат да ѝ помагаат сѐ додека е потребно, нагласувајќи дека преговорите со Москва ќе бидат можни само кога украинскиот претседател Володимир Зеленски ќе оцени дека тоа е соодветно.
