Војната во Русија некому донесе големи загуби и проблеми, како во зоната на војување така и андвор од неа што најтешко ги погоди државите на Европската унија но, некому донесе и просперитет.
Имено, објава на SkyNews , Грузија е на пат да стане една од најбрзо растечките економии во светот оваа година по драматичниот прилив на повеќе од 100.000 Руси кои побегнаа таму по инвазијата на Москва на Украина и стравот од мобилизација.
Додека голем дел од светот се движи во рецесија, земјата со 3,7 милиони жители која излегува на Црното Море се очекува да забележи раст на економското производство за 10% во 2022 година поради огромниот пораст на потрошувачката, оценуваат меѓународните институции.
Скромната економија од 19 милијарди долари, позната во регионот по планините, шумите и винските долини, според брзината развој ќе ги надмине и земјите извознички на нафта како Кувајт, на пример, пишува SkyNews.
