6.8 C
Skopje
среда, март 27, 2024

Холандски пратеници побараа од владата да стави вето на пристапот на Бугарија и Романија кон Шенген

Холандски пратеници побараа од владата на Марк Руте да стави вето на пристапот на Бугарија и Романија кон Шенген. Тие сакаат да го анализираат функционирањето на владеењето на правото и намалувањето на корупцијата и организираниот криминал во двете земји.

Европскиот парламент донесе резолуција со огромно мнозинство, барајќи од земјите членки на Шенген да дозволат двете земји да се приклучат на зоната за слободно движење на Европската Унија без понатамошно одложување.

„Бугарија и Романија стануваат заложници на внатрешната политика во Холандија, каде претстојат избори, смета бугарскиот претседател“, Румен Радев по повод резолуцијата на холандскиот Парламент против приемот на двете земји во Шенген зоната.

„Холандија сега е сама. Сите земји стојат зад Бугарија, оваа поддршка е важна… Имам уверување од чешкото претседателство дека ќе работи на решавање на ова прашање. Важно е во време на економска криза да не стоиме со блокирани граници“, посочи Радев.

Во моментов, земјите од ЕУ, Бугарија, Хрватска, Кипар, Ирска и Романија не се дел од Шенген зоната, која исто така вклучува и земји што не се членки на ЕУ – Исланд, Норвешка, Швајцарија и Лихтенштајн. 

Читај Следно

10,371FansLike
2,319SubscribersSubscribe

Најнови Вести