Белата куќа размислува да ги подложи договорите на американскиот бизнисмен Илон Маск на проверки на националната безбедност по неговите изјави за Украина, пишува Bloomberg, повикувајќи се на неименувани извори.
– Официјални лица од администрацијата на Бајден размислуваат дали САД треба да извршат безбедносни проверки на одредени бизниси на Илон Маск, вклучително и купување на Твитер и сателитски систем „Space-X Starlink“, се вели во соопштението на агенцијата.
Се вели дека на официјалните лица им е „непријатно“ со изјавите на Маск за финансирањето на Starlink во Украина и неговиот „сè попроруски став.“ Официјални лица се исто така загрижени за неговите планови да купи Твитер со група странски инвеститори.
Според изворите, разговорите за проверките се во рана фаза.
Маск минатата недела изјави дека SpaceX повеќе не може да го финансира одржувањето на сателитскиот комуникациски систем Starlink во Украина.
Потоа се предомислил и рекол дека ќе продолжи да ги дава овие услуги. Во меѓувреме, американските медиуми објавија дека Европската унија и Пентагон ја разгледуваат можноста за доделување средства за да се обезбеди функционирање на системот за сателитска комуникација во Украина во случај на таква потреба.