Руската инвазија во Украина откри многу слабости на руската војска. На почетокот на конфликтот, стана јасно дека руските тенкови, дизајнирани во раните седумдесетти години, повеќе не се супериорни во однос на модерното бојно поле.
Истото важи и за оклопните транспортери, а тука е и проблемот со навидум нискиот морал на одредени единици.
Ова особено се однесува на војниците кои неодамна буквално побегнаа од Украинците во офанзивата на истокот и јужниот дел на Харков. Областа, за која Русите потрошиле месеци да ја освојат, била изгубена за само неколку дена.
Сепак, најголемото изненадување од конфликтот досега е отсуството на руска авијација. Освен некои снимки од јуришните авиони Сухој Су-25 кои истрелуваат ракети некаде над линијата на фронтот и веднаш се враќаат на безбедно, нема информации за значителна употреба на воздухопловните сили.
Впрочем, да летаа Русите, Украинците немаше така лесно да вратат илјадници квадратни километри територија. Тоа е отворено, рамно подрачје каде што има малку простор за криење на опрема и персонал, но Русите од некоја за нас непозната причина не испратија авијација да ги запре пенетрациите.
Зошто е тоа така, засега е непознато. Но, она што со сигурност може да се каже е дека Руската Федерација има инфраструктура и средства буквално да го исчисти истокот на Украина.
