Од 1131 направен тест во изминатите 24 часа, има 381 нов случај на КОВИД-19. Од вкупниот број позитивни, 80 се реинфекции. Во изминатото деноноќие починале две лица, а согласно Регистарот на умрени лица со дијагноза КОВИД-19 од „Мој термин“ дополнително се евидентирани четири починати со датум на смрт од 18 до 21 август.
Според податоците од Институтот за јавно здравје, 173 од новодијагностицираните се од Скопје, од Битола се 36, Прилеп 24, Кавадарци 16, Куманово и Гевгелија имаат по 15 нови случаи, Кочани 10, Велес и Охрид по девет, Струмица осум, Гостивар и Штип по седум, Радовиш и Делчево по шест, Кичево, Неготино и Берово по пет, Тетово и Валандово по четири, Свети Николе три, Ресен, Крива Паланка, Дебар, Крушево и Демир Капија имаат по два и по еден новозаразен е регистриран во Струга, Виница, Македонска Каменица и Пехчево.
