Украинскиот претседател Володимир Зеленски синоќа му се заблагодари на својот американски колега Џозеф Бајден за најновиот пакет воена помош од 775 милиони долари.
„Многу ја ценам уште една американска воена помош во износ од 775 милиони долари. Ви благодариме претседателе што ја донесовте оваа одлука. Направивме уште еден важен чекор за да го победиме агресорот. Украина ќе биде слободна“, напиша Зеленски на Твитер.
Малку порано американскиот државен секретар Ентони Блинкен изјави дека од доаѓањето на новата администрација на чело со претседателот Џозеф Бајден, Вашингтон обезбедил воена помош од 10,6 милијарди долари за Киев.