Пратениците заминуваат на одмор кој ќе им трае до 30 август, иако некои и претходно си го започнаа одморот, па Собранието со денови мака мачи да обезбеди кворум за работа.
Така беше и денеска, Собранието во рамки на 71. седница го заврши претресот по предлогот Хисни Имаили од Алтернатива да биде нов потпретседател на Собранието, но немаше доволен број пратеници па ќе се гласа во септеммври.
Исмаили за потпретседател на Собранието беше предложен со потписите на 20 пратеници.
Координаторот на пратеничката група на ВМРО-ДПМНЕ Никола Мицевски, меѓудругото, изрази надеж дека Исмаили ќе го почитува Деловникот за работа на Собранието, законите и Уставот.