Лицата во Австрија кои се заразени со коронавирус во иднина веќе нема да мора да бидат во самоизолација доколку немаат симптоми на болеста, соопштија денеска властите, пренесе ДПА.
Австрија од следниот месец го укинува задолжителниот карантин за лицата кои се позитивни на коронавирусот, но не се болни.
Заразените сè уште ќе мора да носат маски надвор од своите домови, освен ако не се на отворено или не можат да држат растојание од најмалку два метри од другите лица.
Ним нема да им биде дозволено да влегуваат во установи со загрозени лица како што се болници, домови за стари лица или установи за лица со посебни потреби.
