“Има многу мртви во Мариупол. Не ги исчистија телата на загинатите во бомбардирањето. Многу тела се уште се во урнатините. Проблемот се влошува поради недостигот на службата за собирање ѓубре – системот не функционира од февруари.” изјавил тој за Би-Би-Си.
Бојченко рече дека ситуацијата се влошува бидејќи сега е лето и жешко, а обилните дождови ги уништуваат импровизираните гробници. Мариупол, додава тој, се бори и со недостаток на функционални системи за вода и канализација.
„Таквата течност тече до реките и бунарите, каде што луѓето ја црпат и ја користат. Оваа вода е веќе затруена. Веќе се прошири низ градот. Окупаторските власти носат вода во градот, но не доволно. Луѓето се уште одат во бунари и ја користат таа отровна вода“, рече тој.
Градоначалникот рече дека се преземаат мерки за да се спречи ширењето на болеста во другите региони на Украина. „Луѓето кои патуваат од Мариупол до териториите под контрола на Украина ќе бидат тестирани за симптоми на колера“, рече тој.
