Најголемо зголемување на новозаболени од ковид-19 за периодот од 25 до 31 октомври има во возрасната група од 20-29 години, а тоа е 11,4 отсто повеќе во однос на претходната недела, покажува статистичкиот извештај на Институтот за јавно здравје.
Во наведениот период тестирани се 20.976 материјали, со намалување од 2,3 отсто во однос на минатата недела. Регистрирани се 2.804 нови позитивни случаи од 32 градови во државата со зголемување од 3,7 отсто во однос на претходната седмица. Процентот на позитивност се движи од 9,9 до 16,0 проценти, просечно 13,2 проценти.
Откако неколку дена се бележеше тенденција на опаѓање, вчера беше забележан повторно раст на заболени од Ковид-19. Беа регистрирани нови 593 случаи, од вкупно 3.391 тестирања, при што повторно најмногу новозаболени има во Скопје. Минатата недела најголем раст на новозаболени имало кај населението од 20 до 29 години.
Од Министерството за здравство соопштија дека по Скопје, најмногу новозаболени има во Куманово и Прилеп – по 39, Битола – 38, Велес – 27, Кавадарци – 25, Кочани – 22, Крива Паланка – 21, Тетово – 20, Штип – 15, Кичево – 10, Неготино и Пробиштип – по 8. Регистрирани се 415 оздравени пациенти, а десет лица починаа.
Според извештаите од болниците кои пристигнаа до ИЈЗ, во моментов се хоспитализирани 476 лица, а од нив 248 се на кислородна поддршка и 8 на инвазивна/неинвазивна механичка вентилација.
Досега во земјата се направени вкупно 1.390.369 тестирања на Ковид-19.
Со ова, вкупниот број Ковид-дијагностицирани лица во земјава од почетокот на епидемијата изнесува 203.298. Бројот на оздравени пациенти е 189.264, на починати е 7.159. Има вкупно 6.875 активни случаи.
Според епидемиолошки анализи во моментов, дистрибуцијата по градови е следна:
Скопје 89039, активни 3414
Куманово 12334, активни 431
Тетово 11045, активни 152
Прилеп 9544, активни 305
Гостивар 8008, активни 24
Битола 7503, активни 279
Велес 6850, активни 329
Кавадарци 6347, активни 258
Штип 6198, активни 209
Охрид 6177, активни 187
Струмица 5915, активни 113
Кичево 4115, активни 80
Струга 3844, активни 44
Кочани 3608, активни 182
Гевгелија 2567, активни 89
Неготино 2404, активни 56
Свети Николе 2024, активни 77
Крива Паланка 1675, активни 151
Радовиш 1607, активни 51
Ресен 1596, активни 50
Дебар 1453, активни 3
Берово 1261, активни 41
Делчево 1176, активни 50
Виница 1094, активни 36
Пробиштип 1035, активни 67
Валандово 862, активни 28
Кратово 657, активни 37
Богданци 586, активни 19
Крушево 551, активни 15
Демир Хисар 499, активни 44
Македонски Брод 478, активни 3
Демир Капија 410, активни 1
Македонска Каменица 362, активни 38
Пехчево 324, активни 5
Дојран 150, активни 7
