spot_img
31.8 C
Skopje
петок, август 20, 2021
spot_img

Обвинителството во БИХ го повика Додик на распит за негирање на геноцид

„Денеска пристигна покана од Обвинителството да ме испраша во врска со мојата приказна за наводното негирање на геноцид“, рече за новинарите при посетата на Мостар, членот на Претседателството на БиХ, Милорад Додик.

Имено, кратко време откако сега веќе поранешниот висок претставник Валентин Инцко воведе измени во Кривичниот законик, кои, меѓу другото, предвидуваат и затворска казна за негирање геноцид и воени злосторства, Додик за српски Телеграф изјави дека повеќе би сакал да избере затвор отколку да признае геноцид.

“Апсолутно повеќе би сакал да отидам во затвор отколку да признаам нешто што не се случило, а тоа е наводниот геноцид во Сребреница. Таа приказна за наводниот геноцид стана актуелна во 2002 година, седум години по настанот. Одеднаш, се околу него стана актуелно. и „сега се се знае“. Вистината е една, дека немало геноцид “, рече неодамна Додик.

Во изјавата во Мостар, сепак, тој се пожали дека тој е човекот со најмногу кривични пријави во Босна и Херцеговина, повторувајќи ги тврдењата дека високиот претставник според Дејтонскиот мировен договор нема право да наметнува каква било одлука.

„Се разбира, во Федерацијата Босна и Херцеговина се се сведе на приказната за геноцид, но всушност се работи за фактот дека неизбран странец не може да донесува закони и да ги наметнува дури и со Бонските овластувања“, рече Додик.

Како одговор на медиумите, Додик повтори дека не го прифаќа германскиот политичар Кристан Шмит за нов висок претставник. Српската страна во БиХ смета дека неговото назначување морало да го потврди Советот за безбедност, а таквиот став го поддржаа Русија и Кина. Во исто време, сите западни земји, вклучително и САД, неодамна во ОН изјавија дека силно го поддржуваат Шмит и неговиот ангажман.

„Србите нема да прифатат таков лик како висок претставник.Можеби можеме да пиеме кафе, но само во ист капацитет како и со поранешниот министер за земјоделство, кој вети дека ќе направи нешто за БиХ, па не го стори тоа “, рече српскиот член на Претседателството на БиХ.

Читај Следно

10,371FansLike
2,319SubscribersSubscribe
spot_img

Најнови Вести