Шефот на италијанската Камора и еден од најопасните и најбараните бегалци во Италија, Рафаеле Империјале (46), е уапсен во Дубаи.
Тој се смета за главен дилер на дрога а за него постои сомневање и дека купил две украдени слики на Винсент Ван Гог, пренесува АП.
Тој беше уапсен на 4 август и се наоѓа во Обединетите Арапски Емирати, додека италијанското Министерство за правда работи на постапката за негова екстрадиција.
Во јануари 2016 година, Италија издаде налог, под сомнение дека Империјале бил вклучен во меѓународна трговија со дрога и перење пари.
Полицијата соопшти дека неговото незаконски стекнато богатство му овозможило да купи две слики на Винсент Ван Гог на црниот пазар, кои се непроценливи.
Италијанската полиција пронајде слики завиткани во памучни чаршафи на неговиот имот, во кутија скриена зад ѕид во бањата. Империјале изјавил дека нема никаква врска со кражбата, туку дека ги купил сликите како љубител на уметноста.
