Премиерот Заев вечерва информираше за помошта која ќе ја добие градот Кочани по катастрофалниот пожар што го зафати пределот на овој град во попладневните часови.
Како што кажа премиерот Заев, остварил контакт со претседателот на Србија, Александар Вучиќ и било ветено дека нашиот северен сосед ќе испрати хеликоптери за целосно локализирање на пожарите во источниот предел на Македонија.
„Претседателот Вучиќ рече ќе испрати два, три или четири хеликоптери, а помош најави и бугарскиот претседател Румен Радев. Помошта е потребна не само тука во Кочани, туку и во други региони низ земјава имаме пожари кои поради силниот ветер огнот се шири. Таков е случајот во Македонски Брод и делот меѓу Делчево и Пехчево“. – изјави премиерот Заев.