Холивудскиот актер Џејмс Франко беше обвинет во 2019 година за сексуално злоставување на пет девојки кои биле ученици во неговото училиште за глума.
Тој сега е решен да се спогоди, па понуди точно 2.235.000 американски долари отштета, иако сè уште тврди дека не е одговорен за какво било сексуално вознемирување на поранешни студенти.
- Иако обвинетиот ги негира обвинувањата, тој признава дека тие потенцираат важни прашања, и обете страни се согласуваат дека сега е време да се фокусираат и да започнат со решавање на проблемот со злоупотреба на жени во Холивуд. Сите се согласуваат дека никој во забавната индустрија не смее да биде изложен на злоупотреба и дискриминација, без оглед на пол, религија, раса, сексуална ориентација или попреченост – стои во изјавата на славниот актер кој се здоби со глобална популарност во комедијата „Pineapple Express“.
Девојките кои го обвинуваат тврдат дека за време на аудицијата и часовите биле принудени да учествуваат во симулирани сексуални сцени кои биле далеку од стандардите вообичаени во индустријата.