Претседателот на Соединетите Американски Држави, Џо Бајден, го назначи Џефри М. Ховениер за амбасадор на САД во Косово, објави Белата куќа.
Ховениер е дипломат од кариера, во моментот служи како заменик-началник на мисијата во американската амбасада во Турција.
Тој претходно служеше во Обединетите нации под претседателство на Барак Обама, додека сегашниот претседател на САД, Џозеф Бајден, беше потпретседател.
Ховениер претходно служеше како дипломат во Хрватска, Грција, Германија, Панама, Парагвај и седиштето на НАТО во Брисел.
Течно зборува хрватски, грчки, шпански и германски јазик.
Во јуни 2018 година, поранешниот косовски претседател Хашим Тачи го одликуваше Ховениер со медал за време на прославата на десет години независност.
„Вашата и американската поддршка во сите наши политички процеси треба да бидат клучни за слободата и независноста на Косово“, рече Тачи по тој повод.
По тој повод, како што објавија Репортери, Ховениер истакна дека американската позиција е да се зголеми степенот на слобода и независност на Косово.
„Јас секогаш ќе бидам пријател на Косово“, рече тој при примањето на Орденот.
