Во Папуа, Индонезија има шума со мангрова, но тоа не е обична шума, бидејќи им е дозволен пристап само на жените.
Тоа е посебно место каде што генерации жени се собираат и споделуваат приказни.
Ако човек се најде во шумата, тој мора да биде казнет.
Тим на BBC од Индонезија (само жени го сочинуваа тимот) доби дозвола да го посети ова место.
Само жените имаат право да влегуваат во шумата и да собираат школки.
Една од жените рече дека ова отсекогаш била женска шума, многу пред таа да се роди, како што вели, постоело правило.
Таа секогаш беше тука, со истите правила, рече Адријана Мераудје.
- Жените можат да бидат голи во шумата, не мора да носат облека, а мажот се казнува ако само sирне во шумата, рече таа.
Таа вели дека ти се изведувани пред племенскиот суд. Натрапниците плаќаат казна од еден милион рупии (69 УСД).
- Кога е плима, ги покануваме нашите пријатели и сите одиме заедно со брод во шумата.
- Кога сме во шумата, ние сме слободни, нема мажи наоколу. Само ние жените. Разговараме со постари жени и ги споделуваме нашите приказни, рече Ати Румбојруси.
Ова свето место за жени се смени многу.
- Океанот е многу различен во однос на тоа што беше порано. Нашиот океан беше прекрасен, чист и проѕирен, но за жал тој веќе не е таков, полн е со ѓубре. Тоа е отпад од пазарот, кој исчезнува кога врне, рече Адријана.
- Честопати се прашувам што ќе се случи со нашиот океан, додава таа.
Жените продаваат школки на блискиот пазар, па за овие жени шумата е многу важна и тие не можат да живеат без неа.
- Ќе продолжиме да доаѓаме овде секој ден, да собираме школки. Тука жените си веруваат едни на други. Никогаш нема да ја пуштиме, рече Адријана.
