Мистеријата за повеќе од 20 пакети кои се насукаа на плажа во близина на вселенската станица Кејп Канаверал на Флорида, конечно е разрешена. Се испостави дека станува збор за околу 27 килограми кокаин што шверцерите некако ги изгубиле.
Официјален претставник за заштита на дивиот свет што ги проучувал локалните желки забележал пакет цврсто завиткан во пластика како лежи во песок. Таа веднаш ја известила безбедноста на вселенската база, која пак се јавила во одделот за наркотици, кој утврдил дека пакетите содржат кокаин вреден околу милион долари.
- Додека чекав да дојдат, отидов малку подалеку и забележав друг пакет, а потоа уште еден, рече Енџи Чемберс. Им се јавив и им предложив да дојдат со теренско возило затоа што избројав 18 пакети, додаде таа.
Екипата ја затворила плажата и пронашла вкупно 24 пакетчиња, кои биле испратени до Одделот за национална безбедност за понатамошно мерењето и обележувањето. Пакетите кокаин на крајбрежјето не се невообичаена глетка на Флорида што служи како центар за „дистрибуција“ на лекови кои пристигнуваат во САД од Јужна Америка.
Минатиот месец се појавија пакети со дрога на Флорида, само неколку недели по откривањето на кокаин вреден два милиони долари во водите на таа област, објави Гардијан.
Официјалните лица објаснуваат дека шверцерите превезуваат претежно кокаин спакуван во 25 „цигли“ – пакувања од по еден килограм дрога. Се случува тие да фрлаат дрога во морето со цел да ги уништат доказите ако властите се на нивната трага. Властите извлекуваат кокаин вреден стотици милиони долари годишно од водите на Флорида.
