Огромна дупка со дијаметар од 60 метри се отвори во полињата на земјоделците во централното Мексико, во Санта Марија Закатепек, а во близина има и куќа.
Гувернерот на државата Пуебла, Мигел Барбоса Хуерта, изјави дека семејството на блиската куќа е евакуирано, и дека локалното население е предупредено да се држат настрана од оваа област.
На почетокот, дупката беше со дијаметар од 5 метри, сепак, таа брзо се прошири за само неколку часа. Таа е исполнета со вода што постојано се движи.
- Веруваме дека ова се два фактори, омекнување на почвата и придвижување на подземните води, рече Беатриз Манрике, секретар за животна средина..
Покрената е истрага, а анализата на земјиштето може да трае до 30 дена.
Таквите дупки се појавуваат од повеќе причини, како што е ерозијата на карпите под површината на земјата, додека таму минуваат подземни води, кои предизвикуваат празнина поради што се распаѓа почвата.