Властите во регионот на Коринт во јужна Грција денеска ги евакуираа жителите од шест села, бидејќи пожарникарите се бореа со шумскиот пожар што избувна на Пелопонез.
Повеќе од 180 пожарникари се борат против пожарот со поддршка на 62 противпожарни возила, 17 авиони и три хеликоптери, објави противпожарната единица на Twitter, пренесува Ројтерс.
Нема пријавено смртни случаи во пожарот што избувна во средата вечерта во мало приморско одморалиште на полуостровот Пелопонез, околу 90 километри од главниот град Атина, потврдија локалните коринтски власти.
Властите наредија евакуација на шест села и два манастира на планините Гераниа како превентива, а околу 300 лица се превентивно раселени од своите домови, изјави портпаролот на полицијата Теодорос Хронопулос.
