Повеќе портали вечерва добија и пренесоа информација дека се случила престрелка во скопската населба Ченто во која има четворица убиени.
Според информации од МВР се работи за дезинформација, во населбата Ченто на потегот меѓу последната и претпоследната станица на автобусот број 45 дошло до тешка сообраќајна несреќа меѓу две возила, по која едното се превртело и има повредени лица.
МВР Демант: Лажна вест е наводната престрелка во Ченто
Дел од порталите, вечерва шират лажни вести за наводна престрелка во скопската населба Ченто и дури лицитираат со повеќе убиени. МВР апелира до граѓаните да не наседнуваат на вакви подметнувања и да не веруваат на лагите кои ги пласираат овие портали туку да се информираат од професионалните медиуми, кои објавуваат проверени информации. Во Ченто вечерва имаше сообраќајна незгода, а не престрелка, како што беше објавена лажна вест.
