10.8 C
Skopje
петок, март 29, 2024

Дали се појави ново страшно заболување на мозокот ?!

Лекарите во Канада сè повеќе се среќаваат со пациенти кои покажуваат симптоми слични на болеста Кројцфелд-Јакоб („болест на луди крави“), ретка фатална болест која го напаѓа мозокот. Сепак, по анализата и тестовите, она што го откриле ги оставило збунети.

Пред две години, на 40-годишнината од нивниот брак, пензионираниот Роџер Елис од канадската провинција Нова Шкотска имал напад и се онесвестил во неговата куќа, иако во тоа време тој бил целосно здрав.

Неговиот син, Стив Елис, вели дека по тој кобен ден, здравјето на неговиот татко, кој бил во своите рани 60-ти години нагло се влошило

Имаше халуцинации, нагло ослабе, беше агресивен, повторуваше неколку реченици – наведува Стив за Би-Би-Си.

Тој додава дека во еден момент неговиот татко не можел ни да оди, а од болницата верувале дека тој ќе умре – но причината за тоа не ја знаел никој.

Негативни тестови на КJБ

Лекарите кои го примиле Роџер Елис во болницата прво се посомневале во болеста Кројцфелд-Јакоб (КЈБ). Тоа е прионска болест, фатално и ретко дегенеративно нарушување на мозокот во кое пациентите доживуваат симптоми како што се губење на меморијата, промени во однесувањето и потешкотии во координирањето.

Една од познатите форми на оваа болест е поврзана со конзумирање на контаминирано месо кое е заразено со болеста „луда крава“.

Сепак, тестот КЈБ на Роџер Елис бил негативен, како и другите тестови што биле направени за да се утврди причината за неговата болест.

Неговиот син вели дека медицинскиот тим дал се од себе да ги ублажи различните симптоми на неговиот татко, но причината за нападот сè уште е мистерија.

 Можен, делумен одговор се појавил во март.

 Јавниот сервис Радио Канада добил копија од писмо од медицински експерти со предупредување за група пациенти кои покажуваат симптоми на непозната дегенеративна болест на мозокот.

– Првото нешто што го реков беше – ова е татко ми“, се присетува Стив Елис.

Случајот на неговиот татко го презел д-р Алиер Мареро.

 Првата средба со болеста во 2015 година.

Невролог од Универзитетската болница во Монктон вели дека лекарите првпат се сретнале со мистериозната болест во 2015 година. Тој вели дека тоа било само еден пациент односно „изолиран и нетипичен случај“. По појавата на неколку пациенти со истите симптоми, лекарите ја идентификувале нивната состојба како синдром кој „не е виден претходно“.

 Провинциските власти велат дека во моментов следат 48 случаи, поделени подеднакво помеѓу мажи и жени, на возраст од 18 до 85 години. Се верува дека шест лица починале од оваа болест.

 Kај повеќето пациенти, симптомите почнале да се појавуваат во 2018 година, иако се верува дека еден од нив веќе ги имал во 2013 година.

 Д-р Мареро вели дека симптомите се различни и можат да варираат кај пациентите.

 Прво може да се појават промени во однесувањето, како што се вознемиреност, депресија и раздразливост, заедно со необјаснета болка, болки во мускулите и грчеви кај претходно здрави лица.

 Проблеми со меморијата, пелтечење, мускулна атрофија …

 Пациентите често имаат потешкотии со спиењето – тешка несоница или хиперсомнија – и проблеми со меморијата. Може да се појават брзо растечки(напредувачки) говорни нарушувања кои ја отежнуваат комуникацијата и течниот разговор – како што се пелтечење или повторување зборови.

 Други симптоми се брзо губење на тежината и мускулна атрофија, како и нарушувања на видот и проблеми со координацијата и треперење на мускулите. Многу пациенти завршуваат во инвалидска количка.

 Исто така, пријавени се халуцинации и други психички пореметувања.

 Тимот лекари ги тестира пациентите со овие симптоми за прионски заболувања и разни генетски состојби на автоимуни нарушувања или форми на рак, а исто така ги тестираат за вируси, бактерии, габи, тешки метали и абнормални антитела.

 Исто така, се испитуваат влијанија од животната средина, начин на живот, патувања, медицинска историја и извори на храна и вода.

 Нема лек, освен за ублажување на некои симптоми. Засега, теоријата е дека болеста е стекната, а не генетска.

 – Нашата прва заедничка идеја е дека постои токсичен елемент во околината на пациентот што предизвикува дегенеративни промени – вели д-р Мареро.

 Тој не исклучува дека станува збор за прионска болест.

Друга теорија е хронична изложеност на таканаречен ексцитотоксин, како што е домоична киселина, која е поврзана со случај на труење со школки кои биле контаминирани од токсинот во 1987 година.

Покрај проблеми со гастроинтестиналниот тракт, приближно една третина од пациентите имале симптоми како што се губење на меморијата, вртоглавица и конфузија. Некои пациенти паднале во кома.

 Лекарите и истражувачите се сомневаат во уште некои болести.

Д-р Мареро вели дека е можно ова да е поширок феномен.

– Дали го гледаме врвот на ледениот брег? Можеби. Се надевам дека брзо ќе ја најдеме причината за да можеме да го запреме овој феномен – наведува тој.

Читај Следно

10,371FansLike
2,319SubscribersSubscribe

Најнови Вести