Пејачката Јелена Карлеуша ќе се вакцинира против коронавирус во трговскиот центар Ушче утре во 9 часот.
Својата одлука Карлеуша ја објави преку Инстаграм, каде ги поканува сите заедно да покажат општествена одговорност за да може што побрзо да се вратиме во нормален живот.
Пејачката, која е една од највлијателните луѓе, сигурно ќе влијае пред се на младите да ги следат нејзините стапки и на ист начин да се заштитат себе си и своите најблиски од вирусот.
Судејќи според најавата на Карлеуша, јасно е дека таа одлучила да го стави своето здравје пред теориите на заговор и да покаже со нејзиниот пример дека најважно е да бидеме одговорни пред себе и пред другите токму со вакцинирање.
Познати се претходните ставови на поп-пејачката во врска со вакцините, поради што таа дури заврши на суд, но се чини дека на тоа му дојде крајот.