16.8 C
Skopje
среда, март 27, 2024

ВМРО-ДПМНЕ: Не е спорна потребата за противпожарна скала, спорно е што таа е два пати поскапа од таа во Загреб, Шилегов наместо градски татко, стана градски арамија

Соопштение до јавноста, реакција на изјавата на Петре Шилегов 

Почитувани,

Срамота е што по четири години преспан мандат двајцата градоначалници Петре Шилегов и Филип Темелковски се фалат со чистење на дива депонија, како да изградиле небаре нов булевар, во исто време кога Градот Скопје создава дива депонија во Вардариште. Тоа е сигурна потврда дека ништо друго и ништо сериозно немаат сработено.

Што се однесува до изјавите на Шилегов за противпожарната скала го истакнуваме следното:

Гледаме како мрзеливиот градоначалник милионер Петре Шилегов се пењави да го одбрани неодбранливото. Шилегов не убедува дека неговата скала, е најубавата скала што може да се набави и притоа да се украдат над 900 илјади евра.

Не е спорна потребата за противпожарна скала, спорно е што таа е два пати поскапа од набавката на иста таква скала со таа во Загреб.

Или пластично кажано, 1.723.621 евра колку што плаќа Шилегов за неговата скала е повеќе од 794.052 евра колку плаќа Загреб за иста таква скала. Разликата е 929.569 евра што отвора сомнеж дека овие пари завршиле во приватни џебови и е злоупотребен градскиот буџет.

Воопшто не држи тврдењето на Шилегов кој сака да објасни дека неговата скала била поскапа зошто имала корпа, фен, сајла, под и токму поради ова таа вреди речиси 930 илјади евра повеќе.

Основаните сомнежи се дека чим од една скала Шилегов краде по милион евра, колку краде од сите други работи?

Градскиот арамија Шилегов наместо да биде патетичен со тврдењата колку е потребна противпожарна скала, ние со согласуваме со истата неопходност, но не се согласуваме со тоа кога истата се набавува, да се крадат скопјани.

Неговото безобѕирно крадење, е навреда на интелигенцијата на граѓаните.

Читај Следно

10,371FansLike
2,319SubscribersSubscribe

Најнови Вести