Пејачот Аца Лукас во разговор за ало.рс го откри своето мислење за скандалите кои моментално се случуваат во „Ѕвездите на Гранд“, шоуто чиј што дел беше и тој до пред некоја година како дел од жирито.
„Никој не ги принудува кандидатите да доаѓаат на натпреварувањето и не знам зошто се крена толку голема фама. Родителите на тие деца мислат дека тоа што детето ќе им стане пејач во „Ѕвездите на Гранд“ ги решиле сите животни прашања и нема што да прават. Додека бев член во жирито гледав како мајки и татковци паѓаа во несвест кога детето нема да им помине, а да не зборувам за некои ситуации кои ги знам, а кои не се нормални“, изјави Лукас и откри за што се работи.
„Мајките ги доведоа своите ќерки и ми ги нудеа нив и нивните телефонски броеви само да поминат понатаму. Никогаш не ги пријавив, но на тие девојки намерно не им дадов глас. Па не сум во таа фаза да мора на тој начин да имам односи и да имам девојки, тоа е надвор од паметот“, изјави Лукас.
Инаку, пејачот истакна дека моментално е сам и не заинтеренсиран за врска.
„Да бидам искрен немам тип на некоја девојка, мора да се случи магија, ми го сврти вниманието и да мислам на неа 24/7“, вели пејачот.
Потсетуваме, Аца Лукас пред неколку години беше дел од жирито на „Ѕвездите на Гранд“, а како што истакна како причина за негово напуштање е тоа што се презаситил и не сакал повеќе тоа да го работи.
