„Шефот“ на калабриската мафија, Франческо Пеле (43) е уапсен денес во Лисабон по 14-годишна полициска потрага.
Полицијата го уапси Пеле во клиниката во Лисабон каде се лекувал од COVID-19.
Во извештајот на италијанската агенција се наведува дека Пеле, шефот на моќната калабриска Ндрангета, која ја контролира трговијата со кокаин во Европа, бега од полицијата уште од 2007 година.
Тој беше осуден на доживотен затвор затоа што го нарача масакрот на Бадник 2006 година, во кој беше убиена сопругата на ривалот на мафијата, Џовани Лука Нирта.
Така, Пеле започна циклус на крвна одмазда, кој кулминираше со масакрот во германскиот град Дуизбург во август 2007 година, кога беа убиени шест лица.
Поради повредите здобиени во заседа во 2006 година, Пеле остана „ограничен“ на инвалидска количка, а исчезна во 2007 година додека чекаше Врховниот суд во Милано да му ја потврди доживотната казна затвор.
