Во природата на луѓето да со своите најблиски луѓе кои најмногу им веруваат да споделуваат среќни или тажни работи, но има нешта кои треба да ги чуваме за себе, особено кога станува збор за нашата врска или брак.
Тајни
Внимавајте што зборувате и со кого разговарате. Ако вашиот партнер ви доверил тајна, тоа не значи дека треба да му кажете на вашиот најдобар пријател, дури и ако сакате да му помогнете и да побарате објективен совет од страна.
Кавги
Во секоја врска има кавги, и тие се однесуваат само на вас двајца. Големи се шансите брзо да го надминете проблемот и да се помирите еден со друг. Запомнете дека вашите пријатели уште долго ќе ја паметат грубоста на вашиот драг партнер.
Интимност
Вашата спална соба е резервирана само за вас двајца. Во спротивно, ја загрозувате довербата на вашиот партнер ако споделувате интимни детали од вашата врска со други луѓе. Обидете се да замислите како би се чувствувале доколку сте на негово место.
Финансиски проблеми
Ако ви треба финансиска помош, најпрво разговарајте за тоа со вашиот партнер, па дури потоа размислете за следниот чекор и дали сакате понатаму да ги проширите тековните финансиски проблеми.
Недостатоци и маани
Со текот на времето, ќе се навикнете на неговите мали маани и недостатоци, што ќе ве натера да го сакате уште повеќе. Затоа не е добра идеја постојано да се жалите на нив на пријатели или семејство на почетокот на врската. Ќе го запомнат тоа и можеби ќе го споменат во погрешно време за време на разговор.
