Триметарски цунами бранови се можни на североисточниот брег на Нов Зеланд како резултат на разорниот земјотрес со јачина од осум степени.
Предупредувањето е издадено по многу силниот земјотрес чиј епицентар беше во близина на островот Кермадек, со јачина од 8 степени.
Според телевизијата Disclouse, можни се бранови од три метри.
Цивилната заштита на Нов Зеланд ги повика сите локални жители по целиот брег на земјата, доколку почувствуваат силен земјотрес повеќе од една минута, да одат на повисоките делови или што е можно подлабоко на копното.
За некои делови на крајбрежјето на северо-исток од земјата е наредена итна евакуација.
Дури 14 земји очекуваат цунами. Издадено е предупредување за цунами на Хаваите и Американска Самоа.
На социјалните мрежи се појави видео од алармот, кој ги предупредува граѓаните да се извлечат што побрзо и да ги понесат со себе само најпотребните работи.