Актерката Мишел Фајфер доби можност да направи интервју со водителката Лореин Кели преку видео повик, а покрај нејзиниот нов филм „French Exit“, таа зборуваше и за некои приватни работи, особено за нејзиниот изглед.
За неа се чини дека времето застанало многу одамна, бидејќи 62-годишната холивудска ѕвезда Мишел Фајфер и понатаму е една од најубавите жени во светот. Гостувајќи преку видео повик во емисијата „Lorraine“, истоимената водителка Лореин Кели, Мишел Фајфер уште еднаш мораше да ја допре вечната тема, нејзиниот изглед и фактот дека не старее.
- Се држам до она што никој навистина не сака да го слушне. Јадам здраво, вежбам, спијам. Ние секогаш ја бараме таа мала тајна, начин за измама, но тоа не постои. Кога не работам, си дозволувам да се опуштам, тогаш не јадам здраво и пијам премногу вино, не сум пред камера и тогаш изгледам точно како што изгледам. Голема тајна е, дека нема тајна , изјави Фајфер.
Во својот нов филм „French Exit“, Фајфер ја игра Франсис Прајс, вдовица која со синот и мачката се сели во Париз, а мачката е всушност реинкарнација на нејзиниот покоен сопруг.
Говорејќи за таа улога, Мишел рече:
- Таа е прилично комплицирана и оштетена. Таа е многу нарцисоидна и отсуствува подолго време. На крајот, таа го наоѓа својот син и се поврзува со него, откривајќи колку многу го сака и колку многу ѝ недостасувал.
