Експертите во детската болница во Трст, „Burlo Garofolo“, откриле нова мутација на COVID-19 кај две заразени девојчиња, пишува агенцијата „AdnKronos“.
Студија спроведена во соработка со Универзитетот во Милано потврди дека станува збор за многу заразен, агресивен мутант.
Според објавените резултати од истражувањето, мутираната варијанта на вирусот предизвикала повторна инфекција кај неколку возрасни лица кои веќе биле заразени.
- Најзагрижувачка можност е дека мутациите во вирусот можат да го намалат имунитетот создаден кај луѓе кои биле заразени, како и да ја откажат или намалат отпорноста на коронавирусот стекнат со вакцинација, рече професорката Манола Комар, микробиолог од Универзитетот во Трст, која ја водеше студијата.
