Министерот за надворешни работи на Велика Британија Доминик Раб вели дека ја споделува загриженоста со САД дали Кина му дала целосен пристап на податоците на истражувачкиот тим на Светската здравствена организација (СЗО)
Ние ја споделуваме загриженоста дали истражниот тим на СЗО ќе има целосна соработка и ќе ги добие одговорите што ги бара, и затоа ќе продолжиме да вршиме притисок да им даваме целосен пристап до податоците што им се потребни – рече Раб во интервју за Би-Би-Си, Пренесува Ројтерс.
Членот на истражниот тим на СЗО, Џон Вотсон, во друго интервју за БиБиСи изјави дека истражителите добиле голема количина на информации и ги анализирале првите случаи на ковид-19, иако кинеските власти не им доставиле необработени податоци.
– Би било невообичаено ако тие ни дадат необработени податоци, но имавме пристап до голема количина на информации за време на детални дискусии со нашите кинески соговорници – рече Вотсон.
