Португалскиот фудбалер има четири деца, од кои три ги добил со ин витро оплодување.
Роналдо е исклучително активен на социјалните мрежи, особено на Инстаграм, каде постојано објавува фотографии од своето семејство.
Аргентинската манекенка го роди четвртото дете на Роналдо, Алан Мартин (3), откако со вештачко оплодување ги доби Кристијан јуниор (10) и близнаците, Ева и Матео (3).
По раѓањето на близнаците, британските медиуми го испитаа случајот и открија дека близнаците се зачнати во лабораторија во Лос Анџелес, а дел од документите се достапни за јавноста. Во нив е јасно видливо дека станува збор за сурогат бременост, па затоа не се гледа името на мајката. Децата се родени во Ла Меси, Калифорнија, во близина на границата со Мексико.
Тие се родени пред три и пол години, Ева во 9.07 часот, а нејзиниот брат една минута подоцна, пишува во матичната книга на родени. Ова реши барем дел од мистеријата што се шпекулираше во јавноста дека тие не се близнаци, дека не се родени од исти мајки. Изводот на родените го потпишала дежурната докторка на гинекологија Марија Кастиљо.
Водечката американска адвокатка во областа на сурогат родителството, Стефани Кабаљеро, смета дека Роналдо е биолошкиот татко на тие деца и претпоставува дека сите негови деца потекнуваат од „серија ембриони“.
Сурогат клиниките рутински оплодуваат неколку јајца истовремено, ги замрзнуваат и ги чуваат со години, во случај клиентот да сака повеќе деца. Кабаљеро откри како Роналдо можел да ги има трите деца.
Првиот чекор е да изберете една од многуте агенции во Калифорнија, каде сурогат-мајчинството стана индустрија вредна милијарди долари, бидејќи законите таму се во прилог на потенцијалните родители. Така, родители можат да станат и самци и парови од каква било ориентација и слично.
Во Португалија, сурогат-договорите се забранети со закон, особено затоа што Роналдо не е женет.
-Во Калифорнија, на агенцијата í се плаќа само 150.000 евра за близнаците, од кои 40.000 евра одат на мајката. Роналдо би можел да избере жена донатор на јајце-клетки (која обично добива околу 7.000 евра) меѓу стотиците жени чии фотографии и биографски информации се наведени на веб-страницата на агенцијата. Бидејќи е јасно дека Роналдо сакал децата да бидат негова „слика и прилика“, или како што еднаш изјави „да ги носат неговите фудбалски гени“, тој избрал слични, спортски типови на жени кои се Латиноамериканки.
Сестрата на Роналдо, Катиа (44), наводно, забележала дека децата имаат две мајки, кои се Мексиканки. По раѓањето се договараат изводи и пасоши, па така близнаците успеале да пристигнат во Шпанија, а сепак ги донесе мајката на фудбалерот затоа што тој играше за репрезентацијата на Португалија против Русија..
Според строгите услови на дискреција и правото на приватност, на жените кои донирале јајце-клетки, како и на оние кои ја износиле бременоста до крај, обично не им се кажува каде „завршиле“ децата.
Некои од старите пријатели и соседи на Роналдо сугерираат дека неговата одлука да ги одгледува децата самостојно била поттикната од неговите трауми како дете. Како најмлад од четири деца, тој израснал во сиромаштија, живеејќи во сиромашна куќа со sидови полни со азбест.
Секако, Роналдо не се огласи по ова прашање, ниту пак веројатно ќе се огласи.
