Еден од најпопуларните балкански пејачи, фолкерот Аца Лукас бил уапсен поради возење под алкохолизирана состојба, објавија денеска српските медиуми.
Како што објавија медиумите тој бил запрен од полицијата и му бил направен алко-тест, кој покажал дека има нелегална концентрација на алкохол во крвта, но по се изгледа не било премногу.
Казната која ја добил изјавил дека веднаш ќе ја плати и изразил жалење за целиот настан. Објаснил дека излегол само да ги превезе своите пријатели кои му биле на гости. А потврдата за сето тоа за српските медиуми доаѓа лично од Аца Лукас.
Тој без да се двоуми потврди се и објасни зошто завршил во полициската станица:
– Сега одам кај судија. Точно е дека пивнав малку, но полицијата си ја работи својата работа и секоја чест. Не по баба, ниту по чичковци. Ги поддржувам во казнувањето на луѓето, згрешив и нема да се повтори – рече Аца за медиумите.
Како што се дознава Лукас имал 0,8 промили алкохол во крвта и поради тоа ќе плати казна во износ од 70 000 динари.