Дали сте расположени по цел ден да јадете пица и да гледате серии? Сега овој сон може да ви се исполни и за тоа да бидете платени. Американска компанија бара некој кој ќе ги оценува и рангира сериите на Нетфликс, а во меѓувреме ќе добиете достава на пица.
Имено, компанијата „BonusFinder“ бара „професионален надзорник“ (Binge Watch – личност што гледа серии без поголеми паузи).
Компанијата претходно објави конкурси за спонзорирање на луѓе кои ќе тестираат хамбургери, сладолед, слатки и пита од тиква.
„Сега бараме совршен кандидат кој ќе не информира за најдобрата серија на Нетфликс и најдобрата пица по достава, за да ни помогне на сите во овие бурни времиња“, се вели во нивниот оглас.
Победникот ќе добие 500 долари, а ќе треба да гледа и оценува три серии на Нетфликс, патем рангирајќи ги и пиците. Кандидатот исто така ќе добие бесплатна сметка на Нетфликс и буџет за пица и закуски.
Според деталите на натпреварот, победникот може да избере три серии, меѓу кои се “Queen’s Gambit”, “Bridgerton”, “Night Stalker: The Hunt For a Serial Killer”, “Cobra Kai”…
Тој ќе треба, меѓу другото, да ги рангира заплетот, глумата, но и задоволството од епизодите и крајот на серијата.
А пиците ќе се рангираат според повеќе критериуми, од изглед и вкус, до вредност во однос на потрошените пари.
Пријавувањето трае до 12 февруари, а победникот ќе биде објавен на 17 февруари.
